XX. mendeko Euskararen Corpus estatistikoa

Testuingurua

(...) eta zer ez dagoan zuzen, zer dan eta zer ez dan pekatu, eta Laterriak ez dezakeala beiñere Elizaren auzi oietan eskurik sartu uste izatea

(Atal au, Olazar'tar Martin Euskerazaintzako Lendakariari irakurtzeko emana dut, ea gizon jakintsu orrek akatsik aurkitzen ote zion;

eta benetan eskertzen diodan oar au ipiñi dit emen, priszilikeriari-buruzko orri auen azkenean):

Bixente: Ez dakit nondik baiña entzun dot nik antxiñatik, Prisziliano'ren jarrailleak Durango'n izan zirala.

Ori orrelan ba'litz liburu ontan agertu bearko litzake.

Bai noski!

Ori egia ba'litz, IV mendean kristautasuna Bizkai'n Karistiarren lurreko erdi-erdiraiño Prisziliano'ren aurretik ere sarturik, eta Prisziliano'ren denboran sendo erroturik zegoala, eskier adieraziko bait luke.

Eta ez litzaioke egia izan daitekealako antzaren apurtxo bat beintzat faltako, era berean egia ba'litz, gure aldi auetan norbaitek esan duan bezala, VI, V, eta agian IV mendean Araba'ko gure Goba eta Gobietako eremita bakartasunean-bizi-zaleak priszilikeriz kutsatutako lekaide-lekaimeak izan zirala egia ba'litz.

Ezin daiteke, ordea, orrelakorik sinistu aal izateko arrazoi sendorik aurkitu.

Alare, J. Fontaine edestilari frantziarraren ustez, iritxi-edo zan, agian, priszilikeriaren kutsua autrigoien altzora (L'art Prérromaine Hispanique, Zodiaque, 1.973, 104 or.)

eta Kabriana'n Burgos eta Araba'ren mugan, Autrigoitarren lurrean, beraz, abraxa izeneko gostizaleen ikurra duan eraztun bat aurkitu-berria da (A. Azkarate: Arq. Crist. 487 or. 983 oar.).

Oroi dezagun gnostikeria izan dala Prisziliano'ren aurka salatu izan dan errurik makurrena.

Araba'ren sortaldeko Goba aiek Bardulitarren lurrean zeuden, eta Autrigoitarrenean berriz Araba'ren Sarkaldeko Gobiak Baldegobia edo Gobiaran'en.

Goba eta Gobi aietako lekaideak priszilikeriz orbanduxeak egon zirala egia ba'litz, eta J. Fontaine'ren ustea era berean ba'litz egiazkoa, eta Kabriana'ko eraztun gnosikoaren aurkikuntzak aburu ziur bat sortarazteko aiña baliorik ba'lu, uste izan daitekean gauza izango litzake, priszilikeria, barduliar eta autrigoitarren arteko karistiarrengana ere iritxi izan zitekeala noski.

Baiñan nere ustez, agian eraztun ura izan ezik, esan dugun beste guztia oiñarri ziurrik gabeko uste utsezko oldozketa besterik ez dalarik, ez dugu Durango'ko priszilikeriaz zerbait esan aal izateko bear aiñako arrazoi(...)